Mashambulizi ya kigaidi Afrika Mashariki

Mlipuko uliosababishwa na Al Shabaab Somalia

Haya ni miongoni mwa mashambulizi makubwa ya kigaidi ambayo yamewahi kutekelezwa katika kanda ya Afrika Mashariki.

Taarifa zinazohusiana

• Kenya

Septemba. 21, 2013: Magaidi walitumia maguruneti na bunduki kushambulia jengo la kifahari la Westgate mjini Nairobi, Kenya lenye maduka na mikahawa themanini na kuwaua watu zaidi ya sitini huku zaidi ya 175 wakijeruhiwa.Kundi la kigaidi la Al-Shabab lilikiri kufanya shambulizi hilo.
___
Oktoba 2011-Machi 2013: Al Shabaab na wapiganaji wake walifanya mashambilizi kadhaa nchini Kenya na kuwaua zaidi ya watu sitini wakilipiza kisasi kile walichosema ni hatua ya Kenya kupeleka majeshi yake nchini huo kupigana dhidi yao. Serikali ya Kenya ilituma vikosi vyake nchini Somalia baada ya al-Shabab kufanya mashambulizi kadhaa katika maeneo ya mipakani pamoja na kuwateka nyara watalii wa kigeni.
___
Mnamo mwezi Julai tarehe 11,mwaka 2010: Wanamgambo wa Al Shabaab walilipua misururu ya mabomu katika mji mkuu wa Uganda Kampala, katika mkahawa ambako mashabiki wa soka walikuwa wanatizama fainali ya michuano ya kombe la dunia, kwenye skrini kubwa. Takriban watu 76 waliuawa. Kundi la Al-Shabab lilisema kuwa mashambulizi hayo yalikuwa ya kulipiza kisasi kwa Uganda kujihusisha na vita dhidi ya kundi hilo Somalia.
___
Tarehe 28 mwezi Novemba, mwaka 2002: Kundi hilo la kigaidi lilishambulia hoteli ya kifahari iliyokuwa inamilikiwa na waisraeli, katika eneo la Kikambala karibu na mji wa Mombasa na kuwaua watu 13. Dakika chache kabla ya shambulii hilo, magaidi hao waliifyatulia makombora ndege ya kiisiralei iliyokuwa inaruka katika uwanja wa kimataifa wa Mombasa, lakini waliikosa.
___
Mnamo tarehe saba Agosti, 7 mwaka 1998: Kundi lengine la kigaidi la Al-Qaida ilishambulia balozi za Marekani mjini Nairobi na Dar es Salam. Mashambulizi hayo yaliwaua watu 224 , wengi wakiwa wakenya . Raia 123 wa Marekani pia waliuawa. Wengine wengi pia walifuawa nchini Tanzaia.

Vikosi vya Kenya 'vimedhibiti' Westgate

Moshi mkubwa ulioonekana ukifuka kutoka katika jengo la Westgate Jumatatu jioni

Hatimaye vikosi vya usalama nchini Kenya vinasema vimelidhibiti jengo zima la Westgate mjini Nairobi, ikiwa ni zaidi ya siku tatu baada ya jengo hilo kuvamiwa na wanamgambo.

Milipuko ikifuatiwa na milio ya risasi imesikika kutoka ndani ya jengo hilo asubuhi ya leo huku duru zikisema kuwa vikosi vya usalama vinaelekea kukamilisha operesheni hiyo.

Taarifa zinazohusiana

• Kenya

Kwa mujibu wa vyombo vya habari, magaidi sita waliokuwa wamesalia wameuawa huku wengine watatu wakiuawa hapo jana.
Serikali imesema zaidi ya watu 60 wameuawa na wengine zaidi ya 170 kujeruhiwa katika shambulio hilo ambalo Al shabaab imekiri kulitekeleza.
Wizara ya mambo ya ndani imesema wanajeshi wanaendelea kulisaka jengo zima la Westgate kutoka orofa moja hadi nyengine kuhakikisha kwamba hakuna mateka aliyesalia
Wakati huohuo, waziri wa mambo ya nje amesema kuwa wawili kati ya wanamgambo watatu waliofanya shambulii hilo ni raia wa Marekani pamoja na mwanamke muingereza.
Kwenye mahojiano na kituo kimoja cha televisheni nchini Marekani, Amina Mohamed alisema kuwa wamarekani walikuwa kati ya umri wa miaka 18 na 19 ingawa wenye asili ya kisomali au kiarabu na waliishi mjini Minnesota. Mshukiwa mwingine alikuwa mwanamnke Muingereza ambaye inasemekana alikuwa amefanya vitendo vingi vya aina hii kwa niaba ya Al Shabaab.
Shirika la Red Cross limeambia BBC kuwa watu 63 wangali hawajulikani waliko.

Wanajeshi wa Kenya katika juhudi za kuokoa mateka na kukomboa jengo la Westgate

Haijulikani idadi ya wanamgambo waliokuwa ndani ya jengo hilo , lakini maafisa wa usalama wamesema kuwa wanamgambo watatu wameuawa.
Kundi la kigaidi la al-Shabab limekiri kutekeleza mauaji hayo, kulipiza kisasi hatua ya Kenya kujihusisha kijeshi nchini Somalia.
Operesheni hiyo iliendelea usiku kucha ingawa kwa mujibu wa waziri wa usalama wa Kenya, ilikuwa katika mkondo wake wa mwisho.
"magaidi hawa huenda wanakimbia na kujificha katika sehemu mbali mbali za jengo hilo lakini ghorofa zote za jengo hilo zimedhibitiwa na majeshi,'' alisema Ole Lenku
Aliongeza kuwa mateka wote walifanikiwa kuokolewa.
Jumatatu jioni moshi mkubwa ulionekana ukifuka kutoka kwenye jengo la Westgate ukiambatana na moto mkubwa. Moto huo unasemekana uliwashwa na wanamgambo hao ili kutatiza vikosi vya usalama katika juhudi zao za kutaka kukomboa jengo hilo.

WADAU KATIKA HIZO HARAKATI

Mghani mahiri wa mashairi hapa nchini Mrisho Mpoto na kulia ni Bw.Faustine Ruta 
Kushoto ni Mghani mahiri wa mashairi hapa nchini Mrisho Mpoto katikati ni Bw. Jamco Jamal Kalumuna wa blog ya Jamcobk na kulia ni Bw.Faustine Ruta  mwandishi wa mtandao wa www.bukobasports.com kwenye picha ya pamoja
Mdau wa michezo na mwanamichezo wa sports extra wa Clouds Fm (kushoto) Bw. Shaffih Dauda na kulia ni Bw.Faustine Ruta .

FURSA KWA VIJANA YAPOKELEWA KWA SHANGWE BUKOBA MJINI WENDA VIJANA WATANUFAIKA

Mdau wa michezo na mwanamichezo wa sports extra wa Clouds Fm (kushoto) Bw. Shaffih Dauda akiteta jambo na Mrisho Mpoto na (katikati) ni Ruge Mtahaba Mkurugenzi wa Vipindi,Uzalishaji na Mipango wa Clouds Group mapema na kabla ya semina kuanza kwenye ukumbi wa Lina's Club Bukoba mjini.
Mghani mahiri wa mashairi hapa nchini Mrisho Mpoto akizungumza kwa msisitizo,masuala ya fursa mbalimbali zinazopatikana katika suala la Ujasiliamali mapema mchana wa leo kwenye Ukumbi wa Lina's Night Club Bukoba Mjini.Semina hiyo iliyoandaliwa na Clouds Media Group,imefadhiriwa na shirika la NSSF;Zantel,MaxMalipo, Lake Oil.
Ruge Mtahaba Mkurugenzi wa Vipindi,Uzalishaji na Mipango wa Clouds Group

Bw. Willy O.Ruta wa Kiroyera Tours kushoto alikuwa mmoja wa wageni maalum waliokuwa

UFUNGUZI WIKI NENDA KWA USALAMA BARABARANI MKOANI KAGERA 2013 YAFANA.

VECHA ALMANUSRA APOTEZE UHAI WAKE KWA AJALI YA GARI

 Habari zilizotufikia ni kwamba Dj Vencha alipata ajali katika usiku wa kuamkia leo akiwa safarini,chanzo cha habari kinasema kuwa chanzo cha ajali ni Dj huyo alikuwa mendo kasi na pombe iliukuwa Tilalila.

BUZNESS NA WENZAKE WAPATA AJALI WAKITOKA GEITA

Msanii wa hip hop Izzo buzness nae na wenzake wamenusurika kifo baaba ya kutokea ajali ya basi walilokuwa wamependa wakitoka Geita kwenye show na kuelekea mwanza kutafta usafiri wa ndege.
Habari kutoka eneo la tukio zinasema ni msanii mmoja tu ajuikanae kwa jina la Kabago alijeruhwa maeneo ya jicho,safari iliendelea kama kawa.

SHOW ALIOIFANYA DIAMOND NCHINI MALAYSIA

Diamond platnum alivyowasha moto nchini MalaYsIa hivi karibuni katika club ya usiku iliyopo katika viunga vya nchi hiyo.  aaaah jih ..totoz kibaooo!!

MATUKIO MBALIMBALI YA FIESTA SHINYANGA

Mwanadada Linah akiimba sambamba na shabiki wake jukwaani usiku huu wakati tamasha la serengeti fiesta likiendelea ndani ya uwanja wa Kambarage,mkoani Shinyanga usiku.

 Mwanadada ambaye kwa sasa ameonekana akifanya vyema kwenye jukwaa la Serengeti fiesta 2013,Neylee akiwaimbisha mashaniki wake (hawapo pichani). 

 Anajiita Jita Man kutoka jijini Mwanza akitumbuiza jukwaani usiku huu.

Dj Zero kutoka Clouds FM akiburuza mangoma usiku huu.

 Mwanadada Shilole na madensa wake wakilishambulia jukwaa vilivyo usiku huu ndani ya tamasha la Serengeti fiesta 2013,ndani ya uwanja wa Kambarage.mkoani Shinyanga. 

 Masbabiki kibao waliojitokeza kwenye tamasha la serengeti fiesta 2013,usiku wakifuatilia na kushangweka vilivyo mbele ya jukwaa la fiesta.

 mashabiki wakifuatilia

 Kutoka Wanaume TMK,wakiongozwa Mh Temba na Chege kwa pamoja wakilishambulia jukwaa la Serengeti fiesta usiku huu ndani ya uwanja wa kambarage mjini Shinyanga.

 Weusi wakitumbuiza jukwaani usiku huu.

 Shabiki akifurahi jamboo.

Kundi la Wanaume TMK-Halisi likiongozwa na Sir Juma Nature wakilishambulia jukwaa la Serengeti Fiesta ndani ya uwanja wa Kambaraje,mjini Shinyanga.
KWA HABARI ZAIDI BOFYA OLDER POSTS

TASWIRA YA SHOW ALIOIFAN

WANA HARAKATI WA SANAA WAKIWA KATIKA UTENGENEZAJI WA VIDEO YA MSANII YOUNG TAYTA

Video ya mkali wa hiphop kagera young tayta ambaye aliwahi kua mshindi katika mashindano ya school bash of talent kagera, sasa imeingia katika hatua nyingine .akiongea na kagerakwetu magazine mkurugenzi wa mashindano bwana honesty ambaye pia nimsimamizi wa kampuni ya slope promo entertainment amedaikua kufikia taerhe 25 mwezi huu tayari video itakua mtaani .

HUYU NDIYE MWANAMKE ADUI NAMBA 6 WA RAIS OBAMA.

MWANAMKE raia wa Kenya, Naima Mohamed Nyakiniywa ambaye pia anatumia pasi ya kusafiria ya Tanzania ikiwa na jina la Mwanaidi Ramadhani Mfundo maarufu kama Mama Leila, ni adui mkubwa wa Rais wa Marekani, Barack Hussein Obama kutokana na madai kwamba amebobea kwenye biashara ya madawa ya kulevya.
Obama, ambaye pia baba yake mzazi alikuwa Mkenya, mwaka 2011 alimtaja Naima katika orodha ya watu saba yeye akiwa wa 6 kuwa ni hatari kwa biashara hiyo haramu ya ‘unga’ ambapo pia aliamuru mali zake na wenzake hao zilizoko Marekani kutaifishwa, pia wasiruhusiwe kukanyaga ardhi ya taifa hilo kubwa duniani.
Septemba 16 na 17, mwaka huu, Mama Leila (na wenzake nane) alifikishwa katika Mahakama Kuu ya Tanzania kwa mashitaka ya kukutwa na madawa ya kulevya aina ya heroin, Juni Mosi, 2011 Mbezi Beach jijini Dar.
Rekodi zinaonesha kuwa mwanamke huyo alizaliwa Septemba 2, 1962, Majengo, Nairobi, Kenya. Ingawa ni maarufu maeneo mengi ya mji huo mkuu wa nchi jirani, Pumwani, Majengo, Kariokor, Kaloleni, Biafra na Bahati, lakini katika hali ya usiri mkubwa, mwanamke huyo hafahamiki kwa majina ya Mama Leila, Naima au Nyakiniywa, isipokuwa anafahamika kama Kanyanya.
Kanyanya anayedaiwa kuwa mama wa watoto watano, katika eneo analoishi la Mbezi Beach jijini Dar es Salaam anajulikana ni Mtanzania kutoka kabila la Wadigo na majirani wanasema ni mtu mwema, mwenye moyo wa kusaidia walio na shida, akiwa pia ni mfanyabiashara wa magari, saluni na ‘internet cafes’.
Nchini Kenya, inadaiwa Kanyanya alikuwa mtu mwema katika eneo la Majengo huku majirani wakisema hakukuwa na njaa katika eneo lolote ambalo Naima alikuwepo na kila mtu alipata alichokihitaji.
Kutajwa kwake na Rais Obama kunadaiwa kuwashtua wakazi wengi wa Nairobi ambako kama ilivyo Mombasa na Dar es Salaam, anamiliki mali mbalimbali, yakiwemo majumba ya kifahari.
Hata hivyo, mwaka 2009, Polisi wa Kenya walidaiwa kuwakamata vijana watatu wakiwa na madawa ya kulevya na wote walimtaja Naima kama ndiye mwenye mzigo lakini ilikuwa vigumu kwao kumuunganisha kutokana na kukosa ushahidi.

Chanzo  chetu kimethibitisha kwamba wakati mmoja Naima aliwahi kukamatwa akiwa na madawa ya kulevya na kushikiliwa katika Kituo cha Polisi cha Kilimani jijini Nairobi lakini shinikizo kutoka ‘juu’ lilisababisha mwanamama huyo kuachiwa bila kufunguliwa mashitaka.
Inadaiwa kuwa hata alipokamatwa Dar es Salaam kwa tuhuma za kuhusika na biashara hiyo, kulikuwa na idadi ya simu za kutosha kutoka ofisi ‘kubwa’ jijini Nairobi zilizotaka aachiwe lakini polisi wa Bongo ‘walikomaa’ naye ili kumfahamu zaidi.
Naima anamiliki zaidi ya hati sita za kusafiria zenye majina na sura tofauti ili kufanikisha safari zake za mara kwa mara nje ya nchi na mojawapo ni ya Tanzania ambayo haifahamiki ilipatikana kutoka ofisi gani ya uhamiaji hapa nchini.
Katika orodha ya Rais Obama ya watu hao kutakiwa kufilisiwa mali zao na kutokanyaga Marekani, pia yupo mbunge wa zamani wa Jimbo la Kilome, John Harun Mwau kutoka chama cha siasa cha Party of Independent Candidates of Kenya (PICK).
Wengine katika orodha hiyo ni Manuel Torres Felix wa Mexico, Gonzalo Inzunza Inzunza (Mexico) Haji Lal Jan Ishaqzai (Afghanistan), Kamchybek Asanbekovich Kolbayev (Kyrgyzstan) na Javier Antonio Calle Serna wa Colombia.

DIVA WA CLOUDS FM AMWAGA MACHOZI MARA BAADA YA KUPIGWA KIBUTI PREZZO...

 
 Kwa  mara  ya kwanza, Diva  ameamua  kufunguka  kuhusu  KIBUTI  alichopewa  na  jamaa  yake  wa Kenya  maarufu  kwa  Jina  la  Prezzo  ambaye  alikuwa    amemwanika  mitandaoni...

Sote  tunakumbuka  kwamba, Diva  alikubali  kupiga  picha  za  nusu  uchi  na  kuzitundika  katika  mtandao  wa  twitter  ili  kumpagawisha  Prezzo  na  kumfanya  aachane  na  Huddah.

Bahati  Mbaya  hali  ya  mambo  haikuwa  nzuri...Prezzo  alifanya yake  na  kisha kumtenda  dada  wa  watu....

Akiwa  bado angali  na  machozi  ya  ROHONI, Diva  ameamua  kutoa  onyo  kali  kwa  mashabiki  wake  na  kuwataka   kutolitaja  tena  jina  la  Prezzo  kwa  kuwa  hahitaji  hata  kulisikia.

HUU  NI  UJUMBE  WAKE:

"Hey Guys Pliz Kwa Heshima Zote na taadhima naomba msiwe mna comment about Huddah Or Prezzo in My Page.

That Chapter is closed muda mrefu sana and matter of fact Dont need Drama. My Life seems to be Naturally .

I never have plans for where it’s going to take me. Huwa nafuta na kujisikia vibaya nikiona mnaendelea kucomment about Prezzo.
 
Well , The truth ni Kuwa My heart Belonged to another man and The Tattoo of his name katika Mkono wangu itakuwa removed yes …. working on that.

 I Respect him and he is such a good Person but pliz enough with his name on My Page….hope mmenielewa. love you all" Says Loveness Diva

WAHAMIAJI HARAMU WAKATALIWA MAKWAO

WAHAMIAJI haramu 194 waliorudishwa makwao wakati wa kutekeleza awamu ya kwanza ya Operesheni Kimbunga iliyoisha mwishoni mwa wiki iliyopita, wamekataliwa na nchi zao na kurejeshwa tena nchini. Mamlaka zinazohusika na operesheni hiyo zimesema kuwa wamewapokea tena watu hao wakati wanasubiri hatua za kisheria kuchukuliwa.

Awamu ya kwanza ya operesheni hiyo ilianza Septemba 6 na kuhitimishwa Septemba 20 mwaka huu baada ya baadhi ya wahamiaji haramu, kukaidi mwito wa Rais Jakaya Kikwete wa kurejea makwao na kama wanataka kurudi, wafuate utaratibu wa Sheria.

Taarifa iliyotolewa na Naibu Kamishna wa Polisi, Simon Sirro, ilieleza kuwa watu hao pamoja na kutokuwa na sifa ya kuwa raia wa Tanzania, wamerejeshwa nchini kwa kuwa pia wamekosa sifa ya kuwa raia wa nchi jirani ambako Serikali iliwapeleka baada ya vigezo kuthibitisha kuwa ni raia wa nchi hizo.

"Hadi kufikia mwisho wa Awamu ya Kwanza wa Operesheni hii, timu ya Operesheni imefanikiwa kukamata wahalifu wa unyang’anyi wa kutumia silaha pamoja na washirika wao na kuhakiki uraia wa watuhumiwa wa uhamiaji haramu," alisema Sirro.

Kwa mujibu wa Sirro, kati ya waliokamatwa wapo watuhumiwa 212 wa unyang’anyi wa kutumia silaha na majangili ambao ni raia wa Tanzania 23.

Silaha Silaha zilizokamatwa ni mabomu 10 ya kutupwa kwa mkono, silaha 61 zikiwemo bunduki aina ya SMG (50, Shotgun (8), Mark IV (1), Riffle (1), pistol (1), pisto za kienyeji (3) na magobori 42 pamoja na mitambo miwili ya kutengeneza silaha aina ya magobori.

Zingine ni risasi 665 zikiwemo za bunduki aina ya SMG na SAR risasi 561, shotgun risasi 22, gobori risasi 82 na fataki 8, suruali sare za Jeshi na kibuyu cha maji vya Jeshi la Ulinzi la Wananchi wa Tanzania. Sirro aliongeza kuwa wahamiaji haramu 12,704 wamekamatwa, kati yao Wanyarwanda 3,448, Warundi 6,125, Waganda 2,496, Wakongo 589 Wasomali 44, Myemeni mmoja na raia wa India mmoja.

“Wahamiaji haramu 2,129 walikubali kuondoka nchini kwa hiari yao; 8,696 waliondoshwa nchini kwa amri ya Mahakama baada ya kupewa hati ya kufukuzwa nchini na 1,852 waliachiwa huru baada ya Serikali kuthibitisha uraia wao wakati wengine 2,286 wanaendelea na mahojiano ili kuthibitisha uraia wao,” alisema.

Kiongozi huyo wa operesheni alisema ng’ombe 8,226 walikamatwa wakiwa wanachungwa katika hifadhi za misitu na Sh milioni 32.5 zimepatikana, ikiwa ni tozo za faini ya ng’ombe walioachwa kwenye hifadhi ya Taifa.

Vingine vilivyokamatwa ni ngozi za wanyama aina ya duma (1), swala (2), nyati (1) na vipande 10 vya nyama vinavyodhaniwa kuwa nyara za Serikali.

Vingine vilivyokamatwa ni vipande viwili vya meno ya tembo pamoja na mbao 2,105, magogo 86, mkaa magunia 467, pombe haramu ya gongo lita 375 na mtambo wa gongo mmoja . Pia wamekamata bangi kilo 77 na makokoro yanayotumika kuvua samaki kinyume cha sheria.

"Takwimu zinaonesha kuwa Mkoa wa Kagera unaongoza kwa kukamata wahamiaji haramu 7,001, ukifuatiwa na mkoa wa Kigoma uliokamata wahamiaji haramu 5,005 wakati mkoa wa Geita wahamiaji haramu waliokamatwa walikuwa 698," alisema Sirro.

Sirro alisema pamoja na mafanikio yaliyopatikana, kumekuwepo na changamoto zilizojitokeza, ikiwa ni pamoja na hali ya maisha mchanganyiko ya Watanzania asilimia 60 na wahamiaji asilimia 40 katika mikoa ya mpakani.

Alitaja changamoto nyingine kuwa ni baadhi ya wananchi wenye nia mbaya au kulipizana visasi, waliotaka kutumia operesheni hiyo kukomoana kwa kuwataja baadhi ya watu kuwa ni wahalifu kumbe ni uongo.

Nyingine ni baadhi ya wahamiaji baada ya kukamatwa walikosa sifa za uraia wa Tanzania na hata waliporudishwa kwenye nchi wanazodhaniwa kutoka, walikosa sifa za uraia na kuleta mgongano kuhusu uraia wao. Alisema ukosefu wa vitambulisho vya uraia ulisababisha ugumu wa kutambua wahamiaji haramu.

Pia kutokuwepo kwa uzio katika mipaka ya nchi yetu, kumesababisha wahamiaji haramu wanapopelekwa kwao, kurudi kupitia njia za panya. Matarajio Sirro alisema baada ya kukamilisha Awamu ya Kwanza ya Operesheni Kimbunga, wanatarajia Serikali itashughulikia changamoto zilizojitokeza, ili kupunguza baadhi ya matatizo katika mikoa ya Kagera, Kigoma na Geita hususan yanayohusu uhalifu na masuala ya kiuhamiaji.

"Tunatarajia kuanzisha kikosi kazi kila mkoa, kwa ajili ya ufuatiliaji wa wahalifu sugu wanaotumia silaha za kivita na wale wanaowafadhili," alisema Sirro.

Alisema uhamasishaji utafanyika kuanzia ngazi ya familia, kitongoji, mtaa/kijiji, kata, tarafa, wilaya mkoa na taifa, ili jamii iimarishe misingi ya ulinzi na usalama kupitia kamati zilizopo na kutoa taarifa mara moja panapojitokeza jambo lolote linalohusu ulinzi na usalama katika maeneo yao.

Alisisitiza kuwa watajipanga kimkakati, ili kuona namna ya kushughulikia baadhi ya wahamiaji haramu waliokosa sifa za uraia na kurudishwa nchini mwao, ambao wanang’ang’ania kwa kusema wao ni Watanzania.

-----HABARI LEO

MWANAMKE RAIA WA UINGEREZA ANAYETUHUMIWA KUIONGOZA AL-SHABAAB KUUA WATU ZAIDI YA 69 HUKO NAIROBI..!!

Mwanamke raia wa Uingereza, Samantha Lewthwaite aka The White Widow, *anahisiwa* kuongoza kundi la magaidi wa Al-Shabaab walioivamia mall maarufu ya Westgate ya jijini Nairobi nchini Kenya jana na kuwaua watu zaidi ya 68 na kujeruhi wengine zaidi ya 175.

Tayari mashirika makubwa ya habari duniani yakiwemo, CNN, The Sun na IBTimes yameandika habari kuhusu uwezekano wa mwanamke huyo kuwa kiongozi wa magaidi hao walioshambulia Westgate.

Nayo akaunti ya Twitter ya American Jihad Watch ‏@watcherone, imepost picha ya gaidi wa kike iliyedai ilipigwa na camera za ndani ya mall huyo na kudai kuwa ‘huenda’ akawa ni The White Widow. “Female jihadi caught on mall camera at Westgate Centre Shopping mall earlier yesterday may be infamous ‘White Widow’, imesomeka tweet hiyo.

Picha ya gaidi akiwa ndani mall hiyo

Kwa mujibu wa baadhi ya watu waliokolewa kwenye mall hiyo, miongoni mwa magaidi hao alikuwepo mwanamke wa kizungu.

Kwa mujibu wa CNN, magaidi watatu ni wa Marekani, mmoja wa Kenya, Uingereza, Finland na wawili wa Somalia. Bado wamo ndani ya mall hiyo.

Hata hivyo Kwa mujibu wa mtandao wa Telegraph, jana usiku ofisa wa shirika la kupambana na ugaidi Kenya alikanusha taarifa kuwa Samantha Lewthwaite anaweza kuhusika na shambulio la jana.

Samantha Lewthwaite aka The White Widow ni nani?

Ni mwanamke anayetafutwa kwa udi na uvumba kwa kuhusika kwake kwenye matukio mbalimbali ya kigaidi nchini Uingereza na Afrika Mashariki. Yeye ndiye aliyepanga shambulio la kigaidi jijini London la mwaka 2005 lililosababisha vifo vya watu 52 ambapo mume wake Jermaine Lindsay alijitoa muhanga.

Akitokea Aylesbury, Buckinghamshire, nchini Uingereza, The White Widow kwa sasa ni kiongozi wa juu wa mashambulio ya Al Shabaab nchini Kenya na Somalia. Mwanamke huyo anadaiwa kuwa mfadhili mkuu wa shughuli za kundi hilo la kigaidi.

Mwezi May hati ya kumkamata ilitolewa baada ya kushindwa kufika mahakamani nchini Kenya kwa kesi ya kutengeneza bomu.

ALIYEMJERUHI AUNT EZEKIEL KWA CHUPA ASOTESHWA KORTINI...!!

Hatimaye yule mbaya wa mwigizaji wa filamu za Kibongo, Aunt Ezekiel aitwaye Yvonne Maximilian (22) amenaswa na kuhenyeshwa kortini kisa kikiwa ni kumpiga chupa mwigizaji huyo.

Yvonne aliburuzwa katika Mahakama ya Hakimu Mkazi Kisutu, Dar baada ya kukamatwa maeneo ya nyumbani kwake Kinondoni-Manyanya.

Habari za ndani kutoka kortini zilieleza kuwa awali kesi hiyo ilikuwa isikilizwe na hakimu Agustino Mbando lakini baadaye kulitokea mabadiliko ambapo ilisomwa na Fundi Fimbo.

Akiwa mahakamani hapo huku Aunt naye akihudhuria kama mlalamikaji, Yvonne alishuhudiwa akipelekwa puta na polisi.
Hata hivyo, baada ya kesi hiyo kusomwa iliahirishwa hadi Oktoba 17, mwaka huu, itakaposikilizwa tena.

Agosti 26, mwaka huu, Yvonne anadaiwa kumjeruhi Aunt kwa chupa tupu ya bia na kumpasua mkono wa kushoto wakiwa ndani ya Ukumbi wa Bilicanas, Posta jijini Dar

KENYA WALIPUUZA ONYO LETU AL SHABAAB

Kwa mujibu wa Afisaa huyo mashambulizi hayo yalikuwa ya kulipiza kisasi kwa Kenya kwa kujihusisha na vita vya Somalia ambako wanajeshi wake wanakabiliana na kundi hilo.

Taarifa zinazohusiana

Wanajeshi wa Kenya wamekuwa nchini humo tangu mwaka 2011 kama sehemu ya juhudi za muungano wa Afrika kutaka kurejesha uthabiti nchini Somalia.
Afisaa mkuu wa mambo ya ndani Kenya amesema idadi ya waliofariki ni kumi na moja lakini shirika la msalaba mwekundu linasema idadi hiyo imefika watu 30 huku zaidi ya hamsini wakijeruhiwa.
Taarifa kutoka Ikulu ya Rais Kenya zinasema kuwa mshukiwa mmoja aliyekamatwa alifariki kutokana na majeraha yake.

Baadhi ya watu waliofanikiwa kukimbilia usalama wao

Wanamgambo wa Al Shabaab kupitia kwa mtandao wao wa Twitter , wanasema kuwa Kenya haikuchukulia kwa uzito onyo walilotoa kwa taifa hilo kwa hatua ya kuwapeleka wanajeshi wake nchini humo kupambana dhidi yao.
Kundi hilo limesema limekuwa likitoa onyo mara kwa mara kwa Kenya kuwa ikiwa haitaondoa vikosi vyake nchini Somalia, athari zitakuwa mbaya mno.
Kupitia mtandao wao wa Twitter, Al Shabaab limesema kuwa Kenya ilijidai kutosikia onyo hizo, na kuendelea kuwaua waisilamu wasio na hatia nchini Somalia.
Taarifa hiyo ya Twitter ilisema kuwa Shambulio la Westgate ni tone tu katika bahari ya mfano wa yanayowakumba wasomali nchini Somalia.
Taharuki ilianza hii leo saa saba mchana wakati watu wanaokisiwa kuwa kumi walipovamia jengo la kifahari la Westgate la kuwapiga risasi kiholela wakenya waliokuwa wanaendelea na shughuli zao za kawaida.
Kwa mujibu wa shirika la msalaba mwekundu , takriban watu 30 walifariki kwa kupigwa risasi au kutokana na majeraha yao na wengine wengi wenye majeraha ya risasi kukimbizwa hospitalini kwa matibabu.

MLIPUKO MKUBWA WATOKEA KENYA

Huku hali ya mshikemshike ikiendelea kushuhudiwa katika jengo la Westgate lenye maduka, ufyatulianaji risasi umesikika ndani ya jengo hilo lenye maduka na mikahawa zaidi ya themanini. Milio hiyo ilidumu kwa dakika tatu na kufuatiwa na moshi mkubwa juu ya jengo hilo. Hakuna taarifa kamili kuhusu kilichosababisha moshi huo.

Wapiganaji wa Al shabaab wamewateka nyara raia ambao idadi yao haijulikani. Walikuwemo ndani ya jengo wakiendelea na shughuli zao kuanzia Jumamosi mchana wakati wapiganaji wa Al shabaab walipowavamia na kuanza kufyatua risasi kiholela.
Inaarifiwa kuna maiti kumi katika ghorofa ya kwanza ya jengo hilo.
Aidha wapiganaji hao wanaoaminika kuwa wanachama wa Al Shabaab ni kati ya kumi na kumi na watano na bado wangali ndani ya jengo hilo.
Ripoti zinasema kuwa ufyatulianaji mkubwa wa risasi pamoja na milipuko imesikika katika jengo hilo kwa takriban dakika 15.
Harakati za kuendelea kumaliza operesheni hiyo zinaendelea lakini hali ya mateka walio ndani ya jengo hilo inaendelea kudorora.

Wakenya waliofanikiwa kuondoka katika jengo la Westgate kwa usaidizi wa polisi

Rais Kenyatta amesema kuwa jeshi linajitahidi kuhakikisha kuwa linakabiliana vilivyo na wanamgambo hao.
Helikopta za polisi zinazunguka juu ya jengo hilo pamoja na ndege za kijeshi kushika doria. Vikosi vya usalama vinaendelea na operesheni kujaribu kuwanusuru waathiriwa wakati hali ikiwa ni ya ati ati katika eneo la shambulizi.
Awali jeshi la Kenya lilisema limeweza kudhibiti jengo hilo lote ingawa bado limetaja hali kuwa tete mno hasa katika kujaribu kuwaokoa mateka waliosalia ndani ya jengo hilo.
Ripoti zinasema kuwa watu 69 wamefariki katika shambulizi hilo la Al Shabaab kufikia sasa huku 175 wakijeruhiwa. Baadhi wametibiwa na kuondoka hospitalini. Baadhi ya majeraha waliyopata ni majereha ya risasi na kutokana na guruneti ambalo Al shabaab waliwarushia wale waliokuwa ndani ya mikahawa siku ya Jumamosi.
Kundi hilo limekiri kutekeleza shambulio hilo kutokana na hatua ya Kenya kupeleka majeshi yake nchini Somalia ili kukabiliana na wapiganaji hao.